Tuesday, February 1, 2011

3 இடியட்ஸ் படத்தில் எஸ்.ஜே.சூர்யா!

அடுத்தடுத்து சர்ச்சையில் சிக்கி சின்னா பின்னாவாகியிருக்கும் த்ரீ இடியட்ஸ் பற்றி நாளுக்கொரு புது செய்தி வந்து கொண்டிருக்கிறது. டைரக்டர் ஷங்கர் இயக்கும் இப்படத்தில் முதலில் விஜய், அஜித், சிம்பு நடிப்பதாக கூறப்பட்டது. அஜித் முதலி‌லேயே வாய்ப்பை மறுத்து விட்டார். பின்னர் சிம்புவும் தனக்கு முக்கியமான கேரக்டர் இல்லை என்று கூறி படத்தில் இருந்து விலகினார். விஜய்யும் படத்தில் இருந்து விலகி விட்டார். ‌இதையடுத்து படத்தில் நடிகர் ஜீவா, ஸ்ரீகாந்த் உள்ளிட்டோரை வைத்து படப்பிடிப்பை தொடங்கி விட்டார் ஷங்கர். மூன்றாவதாக நடிக்க ஒப்பந்தம் செய்யப்பட்ட சூர்ய நடிகர், முதலில் இழுஇழுவென இழுத்தடித்தார். இப்போது தமிழ் த்ரீ இடியட்ஸில் நடிக்க ரூ.8 கோடி சம்பளம் கேட்பதுடன், தெலுங்கில் நடிக்க விநியோகத்தில் பாதி பங்கு என்று பேசத் தொடங்கி விட்டாராம். கிட்டத்தட்ட இந்த படத்தில் நடிக்க மட்டும் அந்த நடிகர் கேட்கும் தொகை ரூ.18 கோடியை எட்டுகிறது என்பதால் கலக்கத்தில் இருக்கிறது படத்தை தயாரிக்கும் ஜெமினி பிலிம் சர்க்யூட்.

இதுஒருபுறம் சூட்டைக் கிளப்பிக் கொண்டிருக்கும் வேளையில் சத்தமில்லாமல் மீண்டும் விஜய்யுடன் பேச்சுவார்த்தை நடத்தி வரும் த்ரீ இடியட்ஸ் குழுவினர் இன்னொர் சூர்யாவுக்கும் அழைப்பு விடுத்திருக்கிறார்களாம். குஷி உள்ளிட்ட வெற்றிப்படங்களை இயக்கிய டைரக்டர் கம் நடிகர் எஸ்.ஜே.சூர்யாதான் அவர். தனது இரட்டை அர்த்த வசனங்களால் இளைஞர்களை கவர்ந்து வந்த எஸ்.ஜே.சூர்யா, சமீப காலமாக திரையுலகில் காணாமல் போயிருந்தார். அவரை அழைத்த த்ரீஇடியட்ஸ் குழு, படத்தில் அவரது ஒரிஜினல் கேரக்டருக்கு ஏற்றபடியே ஒரு கேரக்டரை உருவாக்கியிருக்கிறார்களாம்.

No comments:

Post a Comment

Related Posts Plugin for WordPress, Blogger...